Aqparat jáne qoǵamdyq damý mınıstri Aıda Balaeva jýrnalısterdiń mártebesin zańnamalyq turǵyda kóterýdi usynǵan senator Nurtóre Júsiptiń bastamasyn qoldady, dep jazady Egemen.kz.
Onyń aıtýynsha, jýrnalıst mártebesin anyqtaıtyn naqty ólshemderdi ázirleý qajet.
«Jýrnalısterge jeńildikter men áleýmettik kepildikter, sonyń ishinde sýbsıdııalanǵan turǵyn úı alýǵa quqyq berilýi kerek. Alaıda jýrnalıster memlekettik qyzmetker, bıýdjet qyzmetkeri nemese azamattyq qyzmetshi bolmaýy tıis», dedi Balaeva.
Ol barlyq máseleler buqaralyq kommýnıkasııa týraly jańa zań jobasy aıasynda qaralyp jatqanyn túsindirdi.
«Zań jobasyn barlyq múddeli taraptar talqylaı alady», dep qorytyndylady mınıstr.