Bul týraly Úkimette ótken baspasóz májilisi barysynda Energetıka mınıstri Maǵzum Myrzaǵalıev aıtty, dep jazady Egemen.kz.
Onyń aıtýynsha, dızotyn tapshylyǵyna jol berilmeýi tıis.
«Bıyl 1 qazannan bastap Pavlodar munaı óńdeý zaýytynda kúrdeli jóndeý bastalady. Osy ýaqytqa deıin otynnyń jetkilikti kólemi jınaldy. Alaıda tamyz aıynda 519 myń tonna, qyrkúıekte 500 myń tonnadan astam dızel otynyn tutynǵandyqtan qor deńgeıi jetkiliksiz bolyp qaldy. Soǵan baılanysty mınıstrlik iri tutynýshylarǵa, sondaı-aq avtojanarmaı quıý stansııasy jelilerine dızotynnyń jetkiliksiz deńgeıin ımporttaýdy usyndy», dedi vedomstvo basshysy.
Sonymen qatar zaýyttardaǵy jóneltý josparǵa saı iske asyrylyp jatqan kórinedi.
«Jergilikti atqarýshy organdarǵa – ákimdikterge janarmaı quıý stansalary men munaı bazalaryn tekserýlerin suraımyn. Sebebi keıbireýler solıarkany satpaı ustap turyp, keıin ústinen kóbirek paıda tapqysy kelýi múmkin. Energetıka mınıstrligi elimiz dızotynsyz qalmaýy úshin bárin jasaıdy», dep atap ótti Maǵzum Myrzaǵalıev.