Almatylyq «Qaırat» ÝEFA Konferensııa lıgasy toptyq kezeńiniń 2-týrynda jeńilip qaldy, dep habarlaıdy Egemen.kz.
«Qaırat» bul týrda shveısarııalyq «Bazelge» qonaqqa barǵan. Match alań ıeleriniń paıdasyna 4:2 esebimen aıaqtaldy.
«Bazel» almatylyqtar qaqpasyna qatarynan tórt gol saldy. Birinshi taımda Artýr (15-mınýtta) men Maıkl Lang (21 men 40-mınýtta) kózge tústi. Úzilisten keıin Den Ndoıe (49-mınýtta) komandasynyń tórtinshi golyn saldy.Keıin almatylyqtar buǵan eki golmen jaýap qata aldy. 66-mınýtta Kante gol soqsa, eki mınýttan soń Rıkardý Alvesh penaltıden gol saldy.
Endi «Qaırat» Konferensııa lıgasyndaǵy kelesi matchta 21 qazanda ázerbaıjandyq «Karabahpen» kezdesedi.
Eske salaıyq, «Qaırat» týrnırdiń 1-týrynda óz alańynda kıprlik «Omonııamen» 1:1 esebimen teń túsken edi.