Tájikstan men Aýǵanstan qarýly kúshterin shekaraǵa tarta bastady, dep habarlaıdy Egemen.kz.
Bul týraly Reseıdiń Syrtqy ister mınıstrligi habarlady. Atap aıtqanda, Tájikstanmen shekaralas Tahar shekarasyna arnaıy bólimshelerdiń ondaǵan myń sarbazdary tartylǵany aıtyldy. Departament Dýshanbe men Kabýlǵa jaǵdaıdy retteýdiń beıbit jolyn tabýǵa shaqyrdy.
«Eki el basshylarynyń ózara qatań málimdemeleri aıasynda tájik-aýǵan qatynastaryndaǵy shıelenistiń artqanyn alańdaýshylyqpen kórip otyrmyz. Eki tarap qarýly kúshterin ortaq shekarada ornalastyrǵandyǵy týraly habar paıda boldy. Tálipterdiń aıtýynsha, Aýǵanstannyń shekaralas Soltústik Tahar provınsııasynda ondaǵan myń arnaıy Qarýly kúshterdiń bólimsheleri ornalastyrylǵan», dedi Reseı SIM resmı ókili Alekseı Zaısev.
Zaısev Kabýl men Dýshanbe bir-birine qarsy málimdemeler jasap jatqanyn málimdedi. Mysaly, Tájikstan prezıdenti Emomalı Rahmon «Talıban» úkimetin tanýdan bas tartyp (Joǵarǵy Sottyń sheshimi boıynsha bul qozǵalys Qazaqstanda tyıym salynǵan), olardy adam quqyǵyn buzdy dep aıyptady. Al «Talıban» basshylyǵy Tájikstannyń Aýǵanstannyń ishki isine aralaspaýyn talap etti.