2021 jyldyń 9-10 qazanynda Túrkistan mýzykalyq drama teatry belgili dramatýrg, QR Memlekettik syılyǵy laýreaty Dýlat Isabekovtyń pesasyna qoıylatyn «Bórte» spektaklimen tuńǵysh ret shymyldyǵyn ashady, dep habarlaıdy Egemen.kz.
Bórte álem tarıhyndaǵy uly qaıratkerlerdiń biri, Shyńǵys hannyń qońyrat taıpasynan alǵan alǵashqy áıeli. Bórtege arnalǵan tuńǵysh shyǵarma qazaq sahnasynda da tuńǵysh ret qoıylyp otyr. Qoıylym 10-11 jastaǵy Temýchın (Shyńǵys hannyń shyn esimi) men Bórteniń alǵash tanysýynan bastalyp, Shyńǵys qaǵannyń alyp ımperııany basqaryp turǵan kezeńin qamtıdy. Bul kezeńde Temýchın alaýyzdyq jaılaǵan mońǵol taıpalaryn birtutas memleketke biriktirip, Shyńǵys qaǵan atanady. Shyńǵys han áskeriniń jeńisti joryǵy Qytaıdan bastalyp, Ýkraınada bolǵan ataqty «Kalqa ózeni boıyndaǵy shaıqasqa» deıin jetedi. Spektaklde ójet te qaısar, ajarly da aqyldy, batyr da batyl, bir basynda dramasy men tragedııasy jetip-artylatyn qaısar áıel Bórte hanymnyń ǵumyry baıandalady.
«Bórte» spektaklin qoıýǵa belgili ıtalııalyq rejısser Davıde Lıvermor (Davide Livermore) shaqyryldy. Qoıylymnyń kórkemdik jetekshisi - Aınur Kópbasarova, rejısser - Karlo Shakkalýga (Carlo Sciaccaluga), ssenograf– Anna Varaldo (Anna Varaldo), koordınator - Elıs Ferrantı (Alice Ferranti), dekorator-sýretshi - Janat Kókimbekov, kostıým boıynsha sýretshi – Aıjan Abdýaıt, kompozıtor - Hamıt Shanǵalıev, ádebı redaktor – Shynar Omarova, jaryq boıynsha sýretshi - Daýren Samashov, baletmeıster – Ásem Aldıbekova, Madına Mýratpekova, Dáýlet Muratpekov, grım boıynsha sýretshi – Adel Nurqasymova jáne Túrkistan mýzykalyq drama teatrynyń jas drama akterlary jáne balet ártisteri.
Tarıhı spektakldiń ǵylymı keńesshisi: tarıhshy, tarıh ǵylymdarynyń kandıdaty, dosent Nurlan Atyǵaev. Rolderde oınaıtyn ártister: Aııa Shárip, Aqbota Qaımaqbaeva, Núrken О́teýilov, Erkebulan Daıyrov, Leılo Beknazar-Hanınga, Ádil Ahmetov, Almahan Kenjebekova, Alıhan Idrysheva, Erjan Nurymbet, Nartaı Saýdanbekuly, Qonysbek Begaıdarov, Zámzágúl Begaıdarov, Altynaı Nógerbek, Azamat Chýkeev, Tolqyn Nurbekova, Áshim Ahmetov, Qýanysh Qonysbekov, Áıgerim Qaıratqyzy.
Dekorasııa shynaılyǵymen, sahnalyq kıimder tartymdylyǵymen, rekvızıtter sheberlerdiń arnaıy daıyndaýymen erekshelenedi. Belgili kompozıtor Hamıt Shańǵalıev spektaklge arnap eksklıýzıvti mýzyka jazdy.
Teatr dırektory ári kórkemdik jetekshisi Aınur Kópbasarovanyń aıtýynsha, aldaǵy ýaqytta da ozyq tehnıkalyq jáne kreatıv sheshimderge negizdelgen tyń qoıylymdar qala turǵyndary men qonaqtaryna kóptep usynylatyn bolady.
Túrkistan mýzykalyq drama teatry QR Tuńǵysh Prezıdenti, Elbasy N.Nazarbaevtyń qoldaýymen salynǵan Túrki álemi astanasynyń eń sáýletti ǵımarattarynyń biri. 2021 jyldyń mamyr aıynda Elbasy arnaıy kelip jańa teatrdyń akterlyq quramymen jáne sahnanyń tehnıkalyq múmkindikterimen tanysqan edi.