О́skemen qalasynda aýqymdy rekonstrýksııalaý jumystary júrgizilgen áýejaı qaıta ashyldy, dep habarlaıdy Egemen.kz.
ShQO Aqparat ortalyǵynyń málimetine súıensek, sońǵy 5 aı boıy jabyq turǵan О́skemen áýejaıy 1 qazanda óz jumysyn bastady. Tańerteńnen áýejaıdan Almaty men Nur-Sultan qalalaryna ushaqtar ushty.
«Nurly jol» memlekettik baǵdarlamasy aıasynda ushý-qoný jolaǵy kúrdeli jóndeýden ótti. Sondaı-aq jolaqty uzartý jáne keńeıtý boıynsha jumystar júrgizilgen.
«Merdigerler ushý-qoný jolaǵyndaǵy asfaltbeton jamylǵysyn tolyǵymen aýystyryp, ony birshama ulǵaıtty. Endi uzyndyǵy 2800 metr, eni 60 metrdi quraıdy. Mundaı parametrler áýejaıǵa iri halyqaralyq reısterdi qabyldaýǵa múmkindik beredi. Ushý-qoný jolaǵyn jaryqtandyratyn jabdyqtardyń jańa zamanaýı júıesiniń ornatylýy da asa mańyzdy bolyp otyr», dedi «О́skemen áýejaıy» AQ prezıdenti Nıkolaı Korolenko.
Onyń aıtýynsha, áýe aılaǵynda mundaı aýqymdy jumystar sońǵy ret 1996 jyly júrgizilgen.