Elordalyq órt sóndirýshiler «Astyqjan» saýda ortalyǵyndaǵy órtti sóndirdi, dep habarlaıdy Egemen.kz.
«Elordalyq órt sóndirýshilerdiń kúshimen «Astyqjan» saýda ortalyǵnydaǵy órt sóndirildi. Aldyn ala esep boıynsha, jaln sharpyǵan aýmaq 14 myń sharshy metrge jetken. Esterińizge salsaq, búgin, 2021 jylǵy 2 qazanda saǵat 09. 42-de Nur-Sultan qalasynyń tótenshe jaǵdaılar departamenti órt sóndirý bólimsheleri Ál-Farabı dańǵyly, 28 meken-jaıy boıynsha órt týraly kelip túsken habarlama boıynsha shuǵyl attanǵan bolatyn», dep jazady Nur-Sultan qalasy tótenshe jaǵdaılar departamentiniń baspasóz qyzmeti.
О́rtti sóndirýge jergilikti departamenttiń kúshteri men quraldary – 105 adam 26 birlik tehnıka, kommýnaldyq qyzmettiń 8 mashınasy jumyldyryldy.
«О́rt sóndirý bólimsheleri kelgenge deıin 2-qabattyń terezesinen 2001 jyly týǵan qyz órtten qutqaryldy. Onyń «Ýnıversal» jıhaz sehynyń qyzmetkeri ekeni anyqtaldy. Qutqarylǵan qyz jedel járdem qyzmetkerlerine berildi, jaǵdaıy ortasha aýyr dárejede», delingen departamenttiń málimetinde.