Qazaqstannyń ekinshi, álemniń 47-raketkasy Iýlııa Pýtınseva Astana Open WTA 250 týrnıriniń fınalyna shyqty, dep habarlaıdy Egemen.kz QTF baspasóz qyzmetine silteme jasap.
Jarystyń birinshi raketkasy bolyp tirkelgen Iý.Pýtınseva jartylaı fınalda álemniń 86-raketkasy, shvesııalyq Rebekka Petersonmen sheberlik baıqasty. R.Peterson osy doda barysynda taǵy bir qazaqstandyq Zarına Dııastan aılasyn asyryp ketken bolatyn.Bul joly birinshi partııada Iýlııanyń basymdylyǵy aıqyn baıqaldy – 6:2. Iý.Pýtınseva ekinshi sette de 3:1 esebimen alǵa ketti. Taǵy bir breık – 4:1. Matchqa dop bergende, Peterson breık jasap, esepti qysqartty – 3:5.Degenmen qazaqstandyq tennısshi matchty jeńispen túıindeı bildi – 6:4 Iý.Pýtınseva fınalda álemniń 89-ynshy, osy dodanyń ekinshi raketkasy, belgııalyq Elıson Van Eıtvankpen bas júldeni sarapqa salady.