Batys Qazaqstan oblysynda belgili kásipker bolǵan Vıtalıı Karkýlanyń ólimine qatysty eki kúdikti ustaldy. Bul týraly «Ýralskaıa nedelıa» gazeti jazdy.
Quqyq qorǵaý qyzmetkerleri qolǵa túsken kúdiktilerge tergeý qorytyndysyna sáıkes, sheshim shyǵarýdy uıǵardy. Dál qazirgi ýaqytta olar ýaqytsha oqshaýlaǵyshta otyr. Sonymen, tergeý isi aıaqtalǵansha, kásipkerdiń ólimine qatysty aqparat jarııa etilmeıdi. Belgilisi, qolǵa túsken kúdiktiler Peremetnoe aýylynyń turǵyndary eken.
Esterińizde bolsa, osy jyldyń 12 qańtarynda kásipker Vıtalıı Karkýlanyń otbasyna belgisiz bireýler tutqıyldan shabýyl jasap, kásipkerdi basynan atyp óltirgen edi. Al sol kezde onyń áıeli aýyr jaraqatpen jansaqtaý bólimine tústi. Jergilikti dárigerlerdiń aıtýy boıynsha, qazir kásipker jubaıynyń jaǵdaıy jaqsy kórinedi.
Kezinde V. Karkýla basqarǵan «Karkýla» sharýa qojalyǵy Batys Qazaqstan oblysyndaǵy eń iri sharýashylyqtardyń birinen sanaldy. Osy oraıda, «Aýyl sharýashylyǵyn qarjylyq qoldaý qorynyń» málimetine júginsek, «Karkýla» sharýa qojalyǵyna tıesili sút zaýyty aıran, qaımaq, maı, qurt jáne irimshik sekildi 15 túrli sút ónimderin shyǵarǵan.
Ámirhan Almaǵanbetov.
Derekkóz: «Ýralskaıa nedelıa» gazeti.
Foto: «Ýralskaıa nedelıa» gazeti.