Mánerlep syrǵanaýdan qazaqstandyq sportshy Mıhaıl Shaıdarov ISU Gran-prı kezeńiniń kúmis júldegeri atandy, dep habarlaıdy Egemen.kz.
Polshanyń Gdansk qalasynda mánerlep syrǵanaýdan jastar arasynda ISU Gran-prı kezeńi máresine jetti. Qos baǵdarlama nátıjesi boıynsha Qazaqstan quramasynyń sportshysy Mıhaıl Shaıdarov 207.3 upaıyn enshiledi. Bul kórsetkish otandasymyzǵa jalpy jarys kestesinde ekinshi baǵannan kórinýge múmkindi berdi.
Reseılik Gleb Lýtfıllın (231.26) ISU Junior Grand Prix kezeńi sanalǵan Baltic Cup 2021 dodasynyń jeńimpazy boldy. Al onyń komandasy Egor Rýhın (202.28) úzdik úshtikti qorytyndylady.