Búgin, 3 qazanda fýtzaldan Qazaqstan men Brazılııa quramasy Lıtvada ótip jatqan álem chempıonatynyń úshinshi ornyna talasady, dep habarlaıdy Egemen.kz.
Qazaqstan men Brazılııa arasyndaǵy oıyndy elorda ýaqytymen 21:00-de Qazaqstan ulttyq telearnasynyń tikeleı efırinen jáne arnanyń resmı saıtynan tamashalaı alasyzdar.
Brazılııa komandasy toptyq kezeńde Vetnam, Chehııa, Panama fýtzalshylaryn ońaı utsa, 1/8 fınalda Japonııadan 4:2 esebimen basym tústi. Sonymen qatar, 1/4 fınalda Marokkomen kezdesip, 1:0 nátıjesin tirkedi. Tek jartylaı fınalda Ońtústik Amerıka qurlyǵyndaǵy turaqty qarsylasy Argentınaǵa ese jiberdi.Al Kaka shákirtteri óz tobynda Lıtva jáne Kosta-Rıka quramalaryn iri eseppen utyp, Venesýelamen teń tústi. Týrnırdiń 1/8 fınalynda Taıland komandasyna jaýapsyz jeti gol soqsa, shırek fınalda Iran oıynshylaryn úıine qaıtardy. О́kinishke qaraı, fınalǵa joldama beriletin mańyzdy matchte Portýgalııa quramasyna penaltı serııasynda ese jiberdi.