Qazgıdromet sınoptıkteri 5-7 qazan kúnderine arnalǵan aýa raıy boljamyn jarııalady, dep habarlaıdy Egemen.kz.
Kezeń ishinde QR aýmaǵynyń basym bóligi jaýyn-shashynnyń aldyn alýǵa jáne aýa temperatýrasynyń odan ári tómendeýine ákeletin soltústik-batys antısıklonnyń yqpalynda bolady.
Al Qazaqstannyń soltústik, shyǵys jáne ońtústik-shyǵys óńirleriniń aýa raıy, sıklonǵa baılanysty bolady — jańbyr men qar túrinde jaýyn-shashyn, 6 qazanda taýly aýdandarda qatty jaýyn-shashyn kútiledi. Jaýyn-shashynmen tuman, kóktaıǵaq, burqasyn boljanady.
Túnde QR batysynda aýa temperatýrasy 0-5 aıazǵa deıin, soltústik-batysta, soltústikte jáne ortalyqta 5-10 aıazǵa deıin, shyǵysta 3-11 aıazǵa deıin tómendeıdi. Ońtústikte túngi ýaqytta aýmaqtyń kóp bóliginde 1-6 gradýs aıaz bolady.