IIM Qylmystyq atqarý júıesi komıtetiniń sottalǵandardy medısınalyq qamtamasyz etý bóliminiń bastyǵy Janar Shaıdýllına IIM-niń brıfınginde sottalǵandarǵa kórsetiletin medısınalyq kómek týraly aıtty, dep jazady Egemen.kz.
«QAJ mekemelerindegi adamdar medısınalyq kómek alý úshin qosymsha medısınalyq qyzmet alatyn mekemeniń ornalasqan jeri boıynsha medısınalyq-sanıtarııalyq alǵashqy kómek kórsetetin densaýlyq saqtaý uıymdarynyń bekitilgen halyq tirkelimine bekitiledi. Stasıonarlyq emdeý qajet bolǵan kezde sottalǵandar QAJ aýrýhanalaryna nemese jınalmaly kúzet quraldarymen jabdyqtalǵan oqshaýlanǵan palatalar bólingen densaýlyq saqtaý obektilerine jiberiledi», dedi Shaıdýllına.
Spıkerdiń aıtýynsha, barlyq adam mindetti bastapqy jáne jyl saıynǵy profılaktıkalyq tekserýden ótedi. Sozylmaly aýrýy bolsa, esepke alynady jáne qajetti em alady.
«Pandemııa bastalǵannan jáne elde KVI tirkelgennen beri biz arnaıy kontıngent arasynda jappaı ınfeksııanyń aldyn alý úshin barlyq sharalardy qabyldadyq. Búgingi kúnge deıin 214 sottalýshy koronavırýs juqtyrdy», dedi ol.
Brıfıngte dári-dármek satyp alýǵa jáne naýqastardy emdeýge qajetti barlyq qarajat tolyq bólingeni aıtyldy