Varshavada Qazaqstan-Polsha bıznes-forýmy ótýde. Atalǵan jıynda shymkenttik delegattardy bastap barǵan qala ákiminiń orynbasary Aıbek Sáttibaev kópshilik aldynda baıandama jasady, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Shymkenttiń joǵary áleýetin tanystyra kele polshalyq kásipkerlerdi qalaǵa ınvestısııalyq jobalardy júzege asyrýǵa shaqyrdy.
Forýmdy Qazaqstan Elshiligi men Kazakh Invest ulttyq kompanııasy Polshanyń Kásipkerlik jáne tehnologııalar mınıstrliginiń, sondaı-aq Polshanyń Investısııalar jáne saýda agenttiginiń qoldaýymen Polshanyń bıznes Keńesimen birlesip uıymdastyrdy. Oǵan aýyl sharýashylyǵy, energetıka, qurylys jáne qurylys materıaldaryn óndirý, tamaq, hımııa, taý-ken metallýrgııa jáne farmasevtıka ónerkásibi salalarynyń ókilderi bolyp tabylatyn qazaqstandyq jáne polıak kompanııalary qatysýda.
Forýmnyń maqsaty Qazaqstan men Polsha arasyndaǵy saýda-ekonomıkalyq, ınvestısııalyq yntymaqtastyqty kúsheıtý, eki eldiń iskerlik seriktesteri arasyndaǵy qoldanystaǵy baılanystardy nyǵaıtý jáne jańalaryn jolǵa qoıý, ınvestısııalyq jobalardy tanystyrý bolyp tabylady.