Qazaqstandyq tennısshi Zarına Dıas AQSh-tyń Indıan-Ýells qalasynda ótetin asa iri halyqaralyq týrnırdiń negizgi bóliginde kúsh synasý qurmetine ıe boldy, dep jazady Egemen.kz.
Álemdik reıtıngte 108-orynda turǵan jerlesimizge osyndaı múmkindikke ıe bolý úshin irikteý synynan ótýge týra keldi. Jartylaı fınalda Zarına japonııalyq Kýrýmı Narany 6:4, 6:3 esebimen esh qınalmaı jeńdi. Fınalda belarýssııalyq Olga Govorsovamen kezdesti. Bul básekede de ol basymdyq tanytty – 6:3, 6:3. Nátıjesinde Zarına aldaǵy kúnderi osyndaı dúbirli dodada úzdiktermen saıysqa túsedi.
Zarına Dıastan bólek, AQSh-taǵy týrnırde Elena Rybakına men Iýlııa Pýtınseva da óner kórsetedi. Sondaı-aq, Mıhaıl Kýkýshkınniń de aıtýly jarysqa qatysýǵa múmkindigi bar. Ol úshin otandasymyz irikteý týrnıriniń fınalynda amerıkalyq Ernesto Eskobedony utýy kerek.