Pavlodar oblysynda mektep dırektory alaıaqtyq jasady degen kúdikke ilindi, dep habarlaıdy Egemen.kz
Oblystyq Polısııa departamentinde anyqtalǵandaı, Maı aýdany aýyldarynyń biriniń turǵyny mıkrokredıttik uıymnan qońyraý shalyp, 1 mln teńge nesıe boıynsha qaryzyn tóleýdi talap ete bastady.
Ol alaıaqtyqtyń qurbany bolǵanyn bilip, dereý polısııaǵa jetkizdi. Atalǵan fakti QR QK 190-baby (Alaıaqtyq) boıynsha sotqa deıingi tergeý bastaldy, dep habarlady Pavlodar oblysy PD baspasóz qyzmeti.
«Maı aýdanynyń polıseıleri alaıaqtyq jasady degen kúdiktini anyqtap, ustady. Ol sol aýdandaǵy mektepterdiń biriniń dırektory bolyp shyqty», dep tolyqtyrdy oblystyq PD baspasóz qyzmeti.