Fransııada pandemııa bastalǵaly alǵash ret týrızmge arnalǵan kórme ashyldy, dep habarlaıdy Egemen.kz.
Habar24 arnasynyń málimdeýinshe, byltyr álemdik týrızm salasy 1 trılıon dollardan asa kirisinen aıyrylyp, aýyr kezeńdi bastan keshken. Koronavırýs indeti Fransııanyń da týrızm ındýstrııasyn turalatyp tastady.
Pandemııaǵa deıin eldiń ishki jalpy óniminiń 7 prosentin qurap kelgen sala úlken shyǵynǵa batty. Qazirge deıin kóptegen memlekettiń týrısteri úshin shekara áli jabyq. Sondyqtan bolsa kerek sońǵy 2 jylda alǵash ret ótkizilip otyrǵan kórmede oıyn-saýyq pen ásem bezendirýler az.
«Bizdiń elderdegi indetke qarsy sharalar vırýsqa tosqaýyl qoıyp, burynǵy baılanysymyz tezdetip qalpyna keledi dep úmittenemin. Qazaqstan men Fransııanyń strategııalyq seriktestigi myǵym. Biraq sheteldik týrısterdi qabyldaýdyń qashan tolyq qalpyna keletini jaıly aıtý qıyn. Másele kóp uzamaı sheshiledi dep oılaımyn», deıdi Fransııa syrtqy ister mınıstrligi janyndaǵy týrızm jónindegi memlekettik hatshy Jan-Batıst Lemýan.
Al Fransııaǵa saıahattaǵysy keletin otandastarymyzǵa biraz tózimdilik tanytýǵa týra keledi. Bul elge vaksınasyz kirýge bolatyn memleketter tizimi ár 2 apta saıyn qarastyrylady. Fransýzdar bolsa bizdiń elge ózge eýropalyqtar sııaqty esh kedergisiz saıahattaı alady. Qazir elde Azııaǵa barǵysy keletinderdiń qarasy kóbeıgen.
«Biz Azııaǵa saıahattaǵysy keletin azamattardan biraz shydamdylyq tanytýdy suraımyz. Qazir birqatar memleket shekarasyn ashyp, sheteldikterdi qabyldaı bastady. Iordanııa, Izraıl, Ortalyq Azııa men Mońǵolııaǵa týrıster esh kedergisiz bara alady. Bul baǵyttardyń bárine kepildik beremiz. Biraq Azııadaǵy iri baǵyttardyń ashylýyn áli kúte turýǵa týra keledi», deıdi «Asia» kompanııasynyń satý boıynsha dırektory Mıshel Tısse.
Sońǵy onjyldyqta álemde týrızm qarqyndy damyp, shetelge saıahat jasaýshylar artqan edi. Biraq byltyr indetten jahandyq týrızm kirisi 74 paıyzǵa tómendedi. Sarapshylar salanyń qalpyna kelýi uzaqqa sozylatynyn aıtady. Dúnııejúzilik týrızm uıymynyń málimetinshe, bul sala aldymen Taıaý Shyǵys pen Afrıkada jandanyp, Amerıka, Eýropa jáne Azııa baǵyttary tek 2024 jyly qalpyna kelýi múmkin.