Nur-Sultan qalalyq polısııa basqarmasy kóshi-qon qyzmeti bóliminiń bastyǵy Arman Baımuhamet jeke kýálik pen tólqujatty qansha ýaqytta alýǵa bolatynyn aıtty, dep jazady Egemen.kz.
«Jeke basty kýálandyratyn qujattardy tirkeý mehanızmi jetildirilip jatyr. Osy jyldyń toǵyz aıynda 143 myń tólqujat pen jeke kýálik berildi», dedi Arman Baımuhamet.
Onyń aıtýynsha, qujattardy daıyndaý ýaqyty múmkindiginshe qysqartylǵan: 20 jumys kúni nemese jedeldetilge tapsyrys boıynsha 1-3 jumys kúni.
«Bul rette biz memlekettik korporasııamen birlese otyryp, úıinen shyǵa almaıtyn adamdar úshin 484 qujatty jetkizip berdik», dep qosty Arman Baımuhamet.