Dúnıejúzilik densaýlyq saqtaý uıymynyń mıssııasy 2018 jylǵy salystyrmaly taldaý qorytyndylary boıynsha dárilik zattardy retteý salasynda Instıtýttyq damytý josparynyń nusqaýlaryn oryndaý barysymen tanysý úshin Qazaqstanǵa keldi, dep jazady Egemen.kz.
Sapardyń negizgi maqsaty — DDSU Jahandyq benchmarkıng quralynyń (DDSU JBQ) kómegimen Qazaqstandaǵy retteý júıesiniń mártebesin aıqyndaý jáne júıeniń kemeldik deńgeıin baǵalaý.
DDSU baǵalaýyna sáıkes, Qazaqstannyń ulttyq retteý júıesi múmkin bolatyn 4-ten 2-niń kemeldik deńgeıin rastady
Benchmarkıng negizgi 8 ındıkator boıynsha ótkizildi: ulttyq retteý júıesi, tirkeý jáne marketıngke ruqsat berý, farmakologııalyq qadaǵalaý, naryqty baqylaý, lısenzııa berý, retteý ınspeksııalaryn ótkizý, zerthanalyq retteýler júrgizý, klınıkalyq zertteýlerdi qadaǵalaý.
DDSU saparynyń mıssııasy — 2018 jyldan bastap túzetý áreketterin oryndaýdan keıingi naqty derekterdi zertteý, vaksınalar rettelisin qadaǵalaýǵa arnalǵan baqylaý kórsetkishteriniń sheńberin keńeıtý, qalǵan qajetti is-sharalardy talqylaý, sondaı-aq Qazaqstandaǵy dárilik zattar men vaksınalardy ulttyq retteý júıesin resmı taldaýǵa arnalǵan keleshek qadamdar men merzimderdi kelisý.
Jumys sapary barysynda DDSU ókilderi QR DSM Medısınalyq jáne farmasevtıkalyq baqylaý komıtetimen jáne Dárilik zattar men medısınalyq buıymdardy saraptaý ulttyq ortalyǵymen, atap aıtqanda, birqatar kezdesý men talqylaý ótkizdi. Budan bólek, DDSU saparynyń qorytyndylary boıynsha QR ulttyq retteý organyn kemeldenýdiń 3 deńgeıine jetkizýdiń Jol kartasy ázirlendi jáne bekitildi.
«Benchmarkıng jónindegi komıssııamen biz birqatar mańyzdy tarmaqty talqyladyq. Ol boıynsha ári qaraı jumysymyzdy jalǵastyramyz. Bizdiń maqsatymyz — júıeni kemeldiktiń kelesi úshinshi deńgeıine jetkizý. DDSU JBQ jikteýi «turaqty, jaqsy jumys isteıtin jáne yqpaldastyrylǵan júıe» degen maǵynany bildiredi. Sarapshylar birqatar mańyzdy nusqaý usyndy. Bizdiń qyzmetimizdiń ozyq jaqtaryn joǵary baǵalady. Kelesi jylǵy DDSU saparynda jumysymyzdyń nátıjelerin kórsetýge daıyn bolamyz», dep túsindirdi DZSUO Bas dırektory Erken Dáýtbaev.