«Habar» arnasynyń tikeleı efırinde Nur-Sultanda ekpe alǵan azamattar arasynda eki bólmeli páterdiń utys oıyny ótti, dep habarlaıdy Egemen.kz qala ákimdiginiń resmı saıtyna silteme jasap.
Eki bólmeli páterdiń utys oıynyna osy jyldyń 25 maýsymy men 28 qyrkúıegi aralyǵynda elordanyń kez kelgen egý pýnktinde koronavırýsqa qarsy vaksınanyń birinshi komponentin alǵan, kámeletke tolǵan azamattar qatysty.
Utys oıynynyń jeńimpazdaryn anyqtaý úshin Birge platformasynda arnaıy randomaızer servısi ornatyldy, ol júlde ıelerin vaksınasııalanǵan ID generasııasymen tańdady.
Saryarqa aýdanyndaǵy Esil ózeniniń jaǵalaýynda ornalasqan «Rıo-de-Janeıro» TK-degi jańa páterdi Ásemgúl Ysqaqova jeńip aldy.
Sonymen qatar vaksınalanǵandar arasynda baǵaly syılyqtar oınatyldy: úsh iPhone12, tońazytqyshtar, teledıdarlar, qysqa tolqyndy peshter, shańsorǵyshtar, útik, fen jáne t.b. Vaksınalanǵandar arasynda baǵaly syılyqtardyń utys oıyny jalǵasatyn bolady.
«Azamattardy vaksınasııadan ótýge yntalandyrý úshin elorda ákimdiginiń áleýmettik jelidegi resmı paraqshalarynda apta saıyn baǵaly júldelerdiń utys oıyndary ótkizilgen bolatyn. Barlyǵy 19 iPhone12, 6 tońazytqysh, 4 teledıdar, 2 planshet, 4 mıkrotolqyndy pesh, 5 prınter, 2 DVR, kir jýǵysh mashınalar, Alısa aqyldy kolonkasy, ylǵaldandyrǵysh jáne basqalar oınatyldy», delingen vedomstvo habarlamasynda.