Ǵalymdar úshin «Bolashaq» baǵdarlamasy boıynsha sheteldik taǵylymdamadan ótýge arnalǵan mamandyqtar tizimine taǵy 18 mamandyq engizildi, dep jazady Egemen.kz.
Endi olar «Bıologııa, molekýlalyq bıologııa», «Veterınarııa», «Kompıýterlik lıngvıstıka», «Aýyl sharýashylyǵy», «Qurylys», «Jobalaý», «Shahta qurylysy», «Fızıka», «Baılanys jáne aqparat taratý júıesi», «Radıotehnologııa», «Mehanıka», «Statıstıka», «Esepteý tehnologııasy», «Antropologııa», «Orman resýrstaryn qorǵaý», «Vaksınologııa», «Matematıka» baǵyttary boıynsha memleket esebinen álemniń jetekshi ýnıversıtetteri men ǵylymı ortalyqtarynda taǵylymdamadan óte alady.
Aıta keteıik, 8 mamandyq qoldanystaǵy aralas mamandyqtarǵa engizilip, taǵy 10-y jańa mamandyq retinde qosyldy.
Qazaqstandyq ǵalymdar Garvard ýnıversıteti, Sorbonna ýnıversıteti, Kolýmbııa ýnıversıteti, Iel ýnıversıteti, Gonkong ǵylym jáne tehnologııa ýnıversıteti men basqa da sheteldik joǵary oqý oryndarynda taǵylymdamadan óte alady.
Osylaısha, 2021 jyly qazaqstandyqtardyń 147 mamandyq boıynsha taǵylymdamadan ótý múmkindigi bar, onyń ishinde ınnovasııa jáne jańa tehnologııalar baǵyty boıynsha 14, ındýstrııalyq ınjenerııa baǵyty – 28, jaratylystaný ǵylymdary – 9, áleýmettik ǵylymdar – 40, «Bilim berý» baǵyty – 9, «Medısına» baǵyty – 37 jáne «Kreatıvti ındýstrııa» baǵyty boıynsha 13 mamandyq bar.
Esterińizge sala keteıik, bıyl «Ǵalymdar» jańa sanaty boıynsha 500 stıpendııa bólindi. Stıpendııalardyń jalpy sany 1055-ke deıin ósti. Onyń ishinde densaýlyq saqtaý, mádenıet, sport salasynyń qyzmetkerleri, pedagogter, memlekettik qyzmetkerler, ınjener-tehnıkter úshin 5 sanat boıynsha taǵylymdamadan ótýge 110 grant bólindi.
Konkýrsqa qatysý úshin qujattardy qabyldaý 2021 jylǵy 28 qazanǵa deıin jalǵasady.
Baǵdarlamanyń operatory — QR BǴM Halyqaralyq baǵdarlamalar ortalyǵy.