Bul týraly Reseı syrtqy ister mınıstrliginiń resmı ókili Marııa Zaharova habarlady, dep jazady Egemen.kz.
«Aýǵanstandaǵy jáne tájik-aýǵan shekarasyndaǵy jaǵdaı bizdiń nazarymyzda. Máskeý men Dýshanbe qorǵanys vedomstvolary, shekara qyzmetteri men dıplomatııalyq mıssııalar arasynda baılanys ornatady. Biz barlyq jedel qajettilikterdi eskere otyryp, Tájikstannyń, onyń shekara qyzmetiniń qorǵanys qabiletin nyǵaıtý salasyndaǵy yntymaqtastyqty jalǵastyramyz», dedi Reseı syrtqy ister mınıstrliginiń resmı ókili Marııa Zaharova.
Ol 201-shi reseılik áskerı baza «jaǵdaı shıelenisken jaǵdaıda Tájikstan Respýblıkasynyń úkimetine kómek kórsetý úshin barlyq qajetti quraldarmen jabdyqtalǵanyn» basa aıtty.
Qyrkúıek aıynyń sońynda Tájikstan men Aýǵanstan arasyndaǵy qarym -qatynas shıelenise tústi.
23 qyrkúıekte Tájikstan basshysy Emomalı Rahmon BUU Bas Assambleıasynyń kezekti sessııasynda Aýǵanstan bıligine kelgen tálipterdi elde saılaý ótkizýge jáne ártúrli saıası qozǵalystar men kózqarastardyń ókilderin qamtıtyn shyn máninde ınklıýzıvti úkimet qurýǵa shaqyrdy.
Tálipter (Qazaqstanda tyıym salynǵan terrorıstik uıym) Tájikstan Respýblıkasyn Aýǵanstannyń ishki isterine aralasady dep aıyptap, qajet bolsa Tájikstandy basyp alýǵa daıyn ekendikterin jarııalaǵan bolatyn.