QR IIM resmı ókili Nurdildá Oraz elimizdegi krımınogendik jaǵdaı týraly aıtyp berdi, dep habarlaıdy Egemen.kz.
«Bir apta ishinde 2951 qylmys jasaldy, onyń 1955-i bir táýlik ishinde ashyldy. Polısııa qyzmetkerleri «izin sýytpaı» 12 kisi óltirýdi, ólimge ákep soqtyrǵan densaýlyqqa qasaqana aýyr zııan keltirýdi, 2 qaraqshylyqty, 34 tonaýdy, 441 bóten múlikti urlaýdy ashty», dep habarlady Nurdildá Oraz IIM brıfınginde.
IIM resmı ókili habarlaǵandaı, bir apta buryn Qazaqstanda 2 877 qylmys jasalǵan, onyń 1 847-si bir táýlik ishinde ashylǵan. Polısııa qyzmetkerleri «izin sýytpaı» 7 kisi óltirýdi, ólimge ákep soqqan densaýlyqqa qasaqana aýyr zııan keltirýdi, 2 qaraqshylyqty, 35 tonaýdy, 412 bóten múlikti urlaýdy ashty.