Memleket basshysy Qasym-Jomart Toqaev Reseı syrtqy ister mınıstri Sergeı Lavrovty qabyldady, dep habarlaıdy Egemen.kz Aqordaǵa silteme jasap.
Qazaqstan Prezıdenti Azııadaǵy ózara is-qımyl jáne senim sharalary jónindegi keńesine (AО́SShK) múshe memleketterdiń syrtqy saıası vedomstvo basshylarynyń altynshy keńesine qatysý úshin Nur-Sultan qalasyna kelgen Reseı Federasııasynyń syrtqy ister mınıstri Sergeı Lavrovty qabyldady.
Kezdesý aıasynda Qazaqstan men Reseı arasyndaǵy ekijaqty yntymaqtastyqtyń negizgi aspektileri, atap aıtqanda saýda-ekonomıkalyq jáne mádenı-gýmanıtarlyq baılanystar talqylandy.
Sonymen qatar óńirlik kún tártibi, Aýǵanstandaǵy jaǵdaıdy turaqtandyrý baǵytyndaǵy halyqaralyq kúshti jumyldyrý máseleleri sóz boldy. Memleket basshysy Qazaqstan tarapynan osy elge kórsetilip otyrǵan gýmanıtarlyq kómek sharalary týraly aıtty.
Qasym-Jomart Toqaev Azııadaǵy qaýipsizdik, janjaldardyń aldyn alý jáne beıbitshilikti qoldaý máselelerin sheshý baǵytyndaǵy ujymdyq tásilderdi pysyqtaýda Keńestiń jumysyn ilgeriletýdegi Reseıdiń mańyzdy ról atqaratynyn atap ótti.