Ekibastuzda segiz keliden astam esirtki satyp alǵan áıel úsh jylǵa bas bostandyǵynan aıyryldy, dep habarlaıdy Egemen.kz.
Bul týraly Polisia.kz jazdy.
Osy jyldyń naýryz aıynda Ekibastuz qalasynyń polıseılerine jergilikti turǵyndardyń biri esirtki zattaryn alýǵa bara jatqany týraly jedel aqparat tústi. Sondaı-aq polıseılerge qala turǵyny qaıda ketkenin habarlady.
«Qajetti is-sharalardy júrgizý barysynda Ekibastuz qalasyndaǵy Marǵulan kóshesiniń kólik júretin bóliginde jedel ýákilder atalǵan áıel otyrǵan Mazda markaly avtokólikti anyqtap, ustady. Jeke tintý júrgizý kezinde onda jalpy salmaǵy 8 896 gramm bolatyn «keptirilgen marıhýana» bar polıetılen paketi tabylyp, tárkilendi, bul óte úlken mólsherge jatady. Osy fakti boıynsha QR QK 296-babynyń 4-bóligi boıynsha sotqa deıingi tergeý bastaldy. Tergeý Ekibastuz qalasy Polısııa basqarmasynyń tájirıbeli tergeýshisi Danııar Dáýitbekovke tapsyryldy», dep habarlady Pavlodar oblysy Polısııa departamentiniń baspasóz qyzmeti.
Qazaqstan Respýblıkasy QK-niń 296-babynyń 4-bóligine sáıkes, sotpen esirtki zattaryn zańsyz satyp alǵany jáne saqtaǵany úshin qala turǵyny úsh jylǵa bas bostandyǵynan aıyryldy.
Aıta keteıik, bıyl Pavlodar oblysynyń polıseıleri 106 esirtki qylmysyn anyqtady.