Alaıaq bir turǵynǵa 8,5 mln teńge nesıe aldyryp, joq bolǵan

Alaıaqtyń bank termınderin erkin meńgergenine qaraǵanda, ol buryn nemese áli de bank qyz­­metkeri bolyp isteıtini sóz­­siz. О́zine senimdi daýys esh­qandaı qobal­jý nemese se­nim­­sizdik týǵyz­baǵan. Sony­men birge adam­dy sendire alatyn gıp­noz­dyq qasıeti de bolýy múm­kin. О́ıt­keni ol aldymen áıelge 2 mln teńge rásimdep, ony basqa bankten ashylǵan «qosymsha shotqa» aýdarýǵa kóndirgen. Kóp keshik­peı taǵy da qońyraý shalyp, áıeldi kelesi bankten de nesıe alýǵa kóndirgen. Bul shema birneshe ret qaıtalanǵan. Qaskóıdiń nusqaýyn oryndaı otyryp, jábirlenýshi áıel qorytyndysynda bes bankten 8,5 mıllıonnan astam nesıe alǵan. Polısııa mundaı aldaýǵa túsýdiń syry tereńde ekendigin aıtady. Aldymen alaıaq, joǵa­ry­da aıtqanymyzdaı, bank júıesiniń qyr-syryn ábden meńgergen. Buryn qaryzy bar adamǵa basqa bank onlaın rejimde nesıe bere qoımaıdy. Myna jerde bes bank birden 8,5 mln teńgeni bosatýynyń syryn ashý kerek. Bul – bank­ter arasyndaǵy jeke adamǵa qatysty derekter bir-birine birden berilmeı, araǵa ýaqyt sala­tynyn kórsetedi. Sony bil­gen alaıaq ózine sengen adam­ǵa birden bes bankten nesıe aldyryp, ony jymqyryp ketken.

Soltústik Qazaqstan ob­lys­tyq PD bastyǵynyń oryn­basary, polısııa polkov­nıgi Rýslan Nazarov «Bankten qo­ńy­raý shalyp turmyz» degen sózge eshqashan senbeý kerek ekenin aıtady. «О́ıtkeni bank qyzmetkerleri eshqashan mundaı qońyraýlar shalmaıdy. Olar klıentten qandaı da bir bank operasııalaryn jasaýdy talap etpeıdi. Eger siz shottyń saqtalýyna kúmándanǵan bol­sańyz bankke arnaıy nómir boıynsha qońyraý shalyńyz nemese jeke bank fılıalyna baryńyz», deıdi ol.

Qazir jábirlenýshini 8,5 mln teńgege aldap ketken alaıaqtyń ústinen Qylmystyq kodekstiń 190-baby – «Alaıaqtyq» boıynsha Sotqa deıingi tergep-tek­se­rý­lerdiń biryńǵaı tizilimine engizilip, is qozǵaldy.

Aıta keteıik, jyl basynan beri oblysta osy tárizdes 499 ınternet alaıaqtyq faktisi tir­keldi.