Konferensııa lıgasynyń toptyq kezeńinde synǵa túsip jatqan Almatynyń «Qaırat» fýtbol klýby úshinshi týrdy túzde Ázerbaıjannyń «Qarabah» komandasyna qarsy ótkizdi. Toptyq kezeńde jeńistiń dámin tatyp kórmegende almatylyqtar bul kezdesýde úsh upaı ıelenýge tym jaqyn turdy, dep jazady Egemen.kz.
Kezdesýdiń 19 mınýtynda «Qaırattyń» jeıdesin kıgen Hose Konte penaltıden esep ashyp, qonaqtardy alǵa shyǵardy. Tablodaǵy osy nátıje oıynnyń 79 mınýtyna deıin saqtaldy. Al sol 79 mınýtta «Qarabah» fýtbolshysy Ramıl Sheıdaev tarazy basyn teńestirse, tóreshi qosqan qosymsha ýaqytta Abbas Gýseınov alań qojaıyndaryna jeńis syılady.
Úsh týrdan keıin bar bolǵany bir upaı enshilegen «Qaırat» týrnır kestesinde úshinshi orynǵa ornyqqan. Olar tek dop aıyrmasymen ǵana kıprlik «Omonııadan» alda tur.