Egemen Qazaqstan gazetiniń 18 qazandaǵy sanynda jýrnalıst Azamat Esenjoldyń jazýshy, Memlekettik syılyqtyń laýreaty Aldan Smaıylmen suhbaty jarııalandy, dep jazady Egemen.kz.
Áńgime barysynda jazýshy eki mərte Parlament Məjilisiniń depýtaty bolǵan tusta aıaqtalmaı qalǵan usynystary jaıly aıtqan. Máselen, Parlament Məjilisindegi əriptesteri Gúlnar Seıtmaǵambetova, Gúlmıra Isımbaeva úsheýi jazǵan balalardy zııandy aqparattardan qorǵaıtyn zań jobasy «dəstúrli emes jynystyq qatynasqa túskenderdiń kəmeletke tolmaǵan balalardyń arasyna úgit-nasıhat júrgizýge ruqsaty joq» degen bir tarmaqshasy úshin qabyldanbaǵan kórinedi.
«Ekinshi, júzege aspaı qalǵan nərse, slavıantektes memleketter jyl saıyn kırıllısa kúnin atap ótedi. Bizde Kúltegin eskertkishindegi, órkenıetimizge aıǵaq bolatyn Bitik jazýy bar. Slavıandar kırıllısany ataǵanda, biz nege ózimizdiń tól jazý kúnin atap ótpeımiz degen məsele kóterdim. Buǵan Məjilistiń əleýmettik-mədenı damý komıtetiniń tóraǵasy Darıǵa Nazarbaeva bolǵanda, osy məseleni qaıta kóterip, ol kisiniń kózin jetkizdim. Osyǵan oraı L.N.Gýmılev atyndaǵy Eýrazııa ulttyq ýnıversıtetinde konferensııa uıymdastyrdyq. Atalǵan joǵary oqý ornyna Kúltegin eskertkishi 18 mamyrda qoıyldy. Endi sol kúndi Bitik jazýy, bylaısha aıtqanda, jyl saıyn Túrki jazýy kúni atalatyn bolsyn degen sheshim qabyldandy. Ony Úkimet basshysy men tıisti organdarǵa berdik, olar da bul usynysty qostady. Biraq Bitik jazýy kúni atalyp ótilmedi. Nege ekenin əli kúnge bilmeımin», deıdi Aldan Smaıyl.
Budan bólek onyń Tilder týraly zańnyń 23-babyna səıkes «Qazaq tilin biletin kəsipterdiń tizimin jasaý kerek» degen usynysy da qabyldanbaı qalǵan.