Italııanyń Lıdo-dı-Iezolo qalasynda kıkboksıngten álem chempıonaty óz máresine jetti, dep habarlaıdy Egemen.kz.
Baıraqty básekege álemniń 65 elinen 1700-ge jýyq sportshy qatysty. Álem birinshiliginde synǵa túsken elordalyq sportshylar el qorjynyna eki altyn, úsh qola júlde saldy. 63 keli salmaqta kıkbosıngtiń K-1 nusqasy boıynsha Nurdáýlet Qalshora jarys jeńimpazy atansa, 54 keli salmaq dárejesinde Erlan Shaǵban «fýll kontakt» bóliminde qarsylas shaq keltirmeı altynan alqa taqty. Osylaısha Erlan Álemniń eki dúrkin chempıony atandy. Al, Batyrhan Qýandyqov (fýll kontakt, 63kg), Shyńǵyshan Tlemısov (K-1, 63kg) jáne Ádil Myrzaǵalılar (loý-kık, 71kg) chempıonattyń qola júldesin ıelenip, el mereıin ústem etti. «Jarys óte joǵary deńgeıde ótti. Álem chempıonatyna daıyndyǵym da jaqsy boldy. Elimizdiń týyn ózge elde kókke kótergenime qýanyshtymyn», dedi chempıonat jeńimpazy Nurdáýlet Qalshora.