Sınoptıkter 24 qazanǵa arnalǵan aýa raıy boljamyn jarııalady, dep habarlaıdy Egemen.kz «Qazgıdromet» RMK-ǵa silteme jasap.
«Ortalyq Azııa aýmaǵyn alyp jatqan Batys antısıklony Qazaqstan aýmaǵynda yqpal etýin jalǵastyrýda. Eldiń soltústik óńirlerin, shyǵys jáne batys bóligin qospaǵanda, jaýyn-shashynnyń toqtatylýy jáne aýa temperatýrasynyń kóterilýi kútiledi, munda aýa-raıynyń turaqsyzdyǵy, jaýyn-shashyn, tuman, jeldiń kúsheıýi kútiletin frontaldy aımaqtyń áseri saqtalady» delingen «Qazgıdromet» habarlamasynda.
Sınoptıkterdiń boljamynsha, Aqmola, Soltústik Qazaqstan, Pavlodar oblysynyń ońtústik-batysynda, soltústik-batysta, Qostanaı oblysynyń shyǵysynda, Túrkistan oblysynyń taýly aýdandarynda, kúndiz Aqtóbe oblysynyń soltústiginde, túnde Shyǵys Qazaqstan oblysynyń batysynda, túnde Qaraǵandy oblysynyń soltústiginde 15-20 m/s deıin jel kúsheıedi, Qostanaı oblysynyń soltústiginde, Qaraǵandy, Shyǵys Qazaqstan oblystarynyń shyǵysynda jáne soltústiginde tuman kútiledi.
Jambyl oblysynyń taýly aýdandary men ońtústik-batysynda, soltústik-shyǵysynda jel 15-20, kúndiz ekpini 25 m/s jetedi.