Búgin «Barys» Qurlyqtyq hokkeı lıgasyndaǵy kezekti oıynyn ótkizedi. Elordalyq hokkeıshiler Reseıdiń «Severstal» komandasymen kezdesedi, dep habarlaıdy Egemen.kz.
Kezdesý elorda ýaqytymen 17:00-de bastalyp, «Qazsport» telearnasynan tikeleı efırde kórsetiledi.
Eki komanda búginge deıin 25 márte sheberlik baıqasty. Onyń 13-i «Barystyń» basymdyǵymen aıaqtalsa, qalǵanynda reseılik alǵa ozdy. Dese de, qos komanda arasyndaǵy sońǵy alty kezdesýdiń beseýinde qazaqstandyq klýb jeńiske jetti.
«Barys» bıylǵy týrnırdiń sońǵy alty kezdesýiniń ekeýinde mereıi ústem bolsa, qalǵanynda qarsylastaryna ese jiberdi. Al «Severstal» sońǵy alty kezdesýdiń tórteýinde qarsylastaryn tize búktirdi.
Aıta ketsek, qazaqstandyq klýb budan buryn Reseıdiń «Lokomotıv» komandasynan jeńilip qaldy. Al «Severstal» Latvııanyń «Dınamo» komandasynan basym tústi.
Qazir «Barys» 21 oıynnan keıin 18 upaımen týrnır kestesinde 17-shi orynda turaqtady. Al «Avangard» 22 upaımen 14-shi orynda tur.