Fýtboldan Premer-lıga komandalary arasyndaǵy el birinshiliginiń 25-týry bastalady, dep habarlaıdy Egemen.kz.
Barlyq oıyndar búgin, 24 qazanda ótkiziledi.
Atalǵan týrda jankúıerler 15:00-de bastalatyn «Qaırat» pen «Astana», «Tobyl» men «Shahter» oıyndaryna kóz tigedi.
Qazir «Astana» men «Tobyl» komandalary chempıondyqqa talas júrgizip keledi. Osylaısha, búgin altyn medaldyń taǵdyry sheshilýi múmkin.
Aıta ketsek, «Qaırat» bıylǵy birinshiliktiń qola júldegeri atandy. Dál osy ýaqytta «Taraz» ben «Ordabasy», «Atyraý» men «Qyzyljar», «Turan» men «Aqtóbe» ózara sheberlik baıqasady.
«Kaspıı» men «Aqjaıyq» jasyl alańǵa 17:00-de shyqsa, atalǵan týrdy «Qaısar» men «Jetisý» komandalary 19:00-de túıindeıdi.
24-týr nátıjesi boıynsha 56 upaımen «Astana» kósh bastap keledi. Odan keıingi oryndardaǵy «Tobyldyń» - 55, «Qaırattyń» - 47 upaıy bar.