Dúnıejúzilik densaýlyq saqtaý uıymynyń basshysy Tedros Adhanom Gebreıesýs koronavırýs indetin jeńýge barlyq qural men naqty múmkindik bar ekenin, biraq adamzat ony qoldanbaı otyrǵanyn aıtty, dep habarlaıdy Egemen.kz.
Bul týraly Rıa Novostı málim etti.
Gebreıesýstyń aıtýynsha, álem pandemııany toqtatýǵa naqty sheshim qabyldaǵan kezde, ol aıaqtalady.
«Bul bizdiń qolda», dedi DDSU basshysy.
Sonymen qatar ol álem pandemııany jeńý úshin barlyq quraldy paıdalanbaı otyrǵanyn aıtty.
Gebreıesýs DDSU-nyń 2021 jyldyń aıaǵyna deıin ár elde kem degende 40 paıyz halyqty ımmýndaý maqsatyn eske saldy. Ol vaksınanyń jetkizilýin baqylaıtyn elder men kompanııalar málimdemesi áreketine sáıkes kelgen jaǵdaıda ǵana maqsatqa qoljetkizýge bolatynyn basa aıtty.
Uıym basshysy osy kórsetkishke jetken elderdi COVAX halyqaralyq tetigi boıynsha dári-dármekpen qamtamasyz etýge basymdyq berdi.
Sonymen qatar Gebreıesýs pandemııany toqtatý úshin vaksınalarǵa zııatkerlik menshik quqyǵyn toqtatý qajet dep sanaıtynyn aıtty.