Qyrǵyzstan Ulttyq Qaýipsizdik memlekettik komıteti tóraǵasy Kamchybek Tashıev Túrkııadan «Bayraktar TB2» qarýly ushqyshsyz áýe kóligin alatyndaryn málimdedi, dep habarlaıdy Egemen.kz.
Qyrǵyzstan Ulttyq Qaýipsizdik memlekettik komıtetiniń shekara jasaqtaryna satyp alynǵan áskerı kólikterdi tapsyrý rásimine Prezıdent Sadyr Japarov ta qatysty.
Kamchybek Tashıev sol kezdesýde jýrnalısterge Túrkııaǵa ótinish bergenderin, jaqynda ushqyshsyz qarýly áýe kólikteriniń keletinin aıtty.
Ol bundaı qarýdyń sanaýly elde ǵana bar ekenin aıtty.
«Endi olardyń arasynda bizdiń el de bolady. «SİHA» dep atalatyn osy áskerı drondardy qoldanatyn mamandar Túrkııada daıyndyqtan ótti. Jaqynda elimizge keledi», dedi ol.