Áserli «Ádebıet kýrstary»

Uıymdastyrýshylar­dyń aı­­týyn­sha, «Ádebıet kýrstary» jo­­basy qazaq hal­qynyń ǵasyr­lar qoı­naýynan urpaqqa jet­­­ken rýhanı jáne mádenı mura­­syn, sóz óneriniń asyl qazyna­­­syn jastarǵa jetkizýdi kózdeı­di. Eli­mizdegi jas ádebıet­shiler­diń sapaly bilim alýyna jaǵ­daı ja­saýǵa, jas daryndardyń aqyn­dyq she­ber­­ligin shyńdaýǵa járdemdespek.

Atalǵan joba aıasynda aǵa býyn áde­bıetshiler 35 jasqa de­ıingi aqyn-jazý­shylarǵa onlaın-formatta bir aılyq tegin kýrs ótkizýde. Qazannyń 7-si men 30-y ara­lyǵynda, kúnine 4 sa­ǵat esimi elge bel­gili ádebıet maıtalmandary jastarǵa lek­­sııa oqıdy. Atap aıtsaq, Mem­lekettik syılyq­tyń laýreaty, aqyn Nesipbek Aıtuly, fılo­logııa ǵylymdarynyń dokto­ry, alashtaný­shy Tursyn Jurtbaı, Memlekettik syı­lyq­tyń laýreaty, jazýshy-dramatýrg Roza Muqa­nova, fılologııa ǵylymdarynyń kandıdaty, aıtysker-aqyn Serikzat Dúısenǵazy, halyq­aralyq «Alash» ádebı syıly­ǵy­nyń laý­reaty, aqyn Dáýlet­kereı Kápuly, fılo­­logııa ǵy­lymdarynyń doktory, aqyn Ja­nat Ás­kerbekqyzy, synshy Aman­geldi Keńshi­lik­uly, jazýshy Qýanysh Jıenbaı, aqyn Ular­bek Nurǵalym bastaǵan basqa da zııaly qaýym ókilderi jobany keńinen júzege asyrýda.

«Qazirgi jastardyń ynta­sy óte joǵary. Olarǵa ba­ǵyt-baǵdar berip, pikirtalas uıym­­dastyrdyq. Jas ádebıet­shi­­ler­diń suraǵy kóp boldy. Bar­­lyq suraqtaryna ózim­niń zert­­teýlerim sheńberinde, jaz­­ǵan kitaptarym boıynsha jaýap ber­dim. Aıtys pen qa­ra óleń­niń tegi bir. Onyń aıyr­­­­ma­syn, poezııanyń erek­shelik­terin, aıtys­tyń erek­she­likterin aıta otyryp, olar­dyń mátin­derine taldaý ja­sa­dyq. Bul rette kýrstardyń paıdasy zor. Ásirese jastar­dyń shyǵar­mashylyq deńgeıin kó­teredi», deıdi Serikzat Dúı­senǵazy.

Bıyl tuńǵysh ret qolǵa alyn­­­ǵan «Áde­bıet kýrstary» jobasy budan ári dástúrli túrde ótkiziledi. Bul memlekettiń áde­bıet salasyna, sonyń ishinde temirqanat qalamgerlerge degen úlken qamqorlyǵy bolmaq.

«Ádebıet kýrstaryn bir aıǵa jýyq bol­dy, kún úzbeı tyń­­­­­dap kelemin. Bul meniń bi­li­mim­di jetildirip, ádebıetke de­­gen qy­zyǵýshylyǵymdy art­tyr­dy. Ǵalym, aqyn, drama­t­ýrg, etnograftardan túr­li ba­­ǵytta dáris tyńdap, oı-óri­simiz keńeıe tústi. Bul on­laın dáristi alys aımaqtaǵy jas áde­bıetshilerge degen qam­qorlyq dep bilemin. Osyny uıym­­dastyrýshy aza­mat­tarǵa alǵys aıtamyn. Alda osyndaı sha­ralar molynan bolsa dep tileımin», deıdi dáris alý­shy Qabıden Qýanyshbaı.