Soltústik Qazaqstan oblysy ákiminiń densaýlyq saqtaý salasyna jetekshilik etetin orynbasary qaramaǵyndaǵy qyzmetkerdiń kesirinen qyzmetinen aırylýy múmkin, dep habarlaıdy Egemen.kz.
«Biz zańdy oryndaımyz. Eger baǵynyshty adamnyń kinási dáleldense, tıisinshe salaǵa jetekshilik etetin orynbasar tarapynan otstavkaǵa ketý týraly ótinish berilýi tıis», - dedi Soltústik Qazaqstan oblysynyń ákimi Qumar Aqsaqalov,
Esterińizge sala keteıik, 26 qazan kúni Sot Densaýlyq saqtaý basqarmasynyń burynǵy basshysy Qabdrahman Saqtaǵanovqa "Densaýlyq" JMÝ dırektorynan para alǵany úshin 5,8 mln teńge kóleminde aıyppul salýǵa úkim shyǵardy.
BAQ ókilderimen kezdesýde óńir basshysy Qumar Aqsaqalov Densaýlyq saqtaý salasyna Asqar Saqypkereev jetekshilik etetinin aıtty. Qoldanystaǵy zańnamaǵa sáıkes, úkim zańdy kúshine engennen keıin ol otstavkaǵa ketý týraly ótinish jazýǵa mindetti.