Qazaqstanda sheteldegi qazaq tildi buqaralyq aqparat quraldaryn biriktiretin assosıasııa quryldy, dep habarlaıdy Egemen.kz.
«Assosıasııanyń maqsaty – sheteldegi qandastardyń basyn biriktirý. Osy oraıda BAQ-tyń da róli erekshe. Bizdegi málimet boıynsha, álem elderinde 88 qazaqtildi BAQ jumys istep jatyr. Assosıasııa qurýdaǵy maqsat – qazaqsha BAQ-tyń aıasyn keńeıtý, sheteldegi qandastarymyzǵa ana tilinde aqparat alýyna múmkindik jasaý. Sonymen qatar jalpy qazaq tilin dáripteý. Assosıasııany qurýdyń arqasynda syrttaǵy baýyrlarymyz elde bolyp jatqan jańalyqtardan tikeleı habardar bolyp otyrady. Iаǵnı Qazaqstandaǵy habarlardy shetelge jetkizý, tıisinshe sheteldegi qandastardyń tynys-tirshiligimen qazaqstandyqtardy tanystyrý», dedi «Otandastar qory» KEAQ vıse-prezıdenti Maǵaýııa Sarbasov.
Onyń aıtýynsha, aldaǵy ýaqytta sheteldegi BAQ qaýymdastyǵynyń jumys jospary bekitiledi.
«Assosıasııa quramyna otandyq jáne sheteldik BAQ ókilderin múshe etip qabyldaımyz. Sol arqyly birlesken birqatar shara uıymdastyrý oıymyzda bar. Bul - otandyq BAQ pen sheteldegi qazaq tildi BAQ-tyń ekijaqty qarym-qatynasyn nyǵaıta tússek degen nıet. Mysaly, ótken jyly Mońǵolııadaǵy «Kaznews» aqparat portalynyń tilshisi «Úrker» syılyǵyn jeńip aldy. Bul - óte qýantarlyq jaǵdaı. Mine, osy baǵyttaǵy jumysty jalǵastyrýymyz kerek», deıdi ol.