Medısınada adam ómiri úshin asa mańyzdy ınsýlındy ıneler endi Shymkentte óndiriledi. «Tassaı» ındýstrıaldy aımaǵynda ornalasqan «GREEN CROSS ECO» JShS jylyna 200 mln dana shprısterge arnalǵan ınsýlındy ıneler óndirýge qaýqarly, dep jazady Egemen.kz.
Buǵan deıin ınsýlındy ıneler shetelden ákelinetin. Jańa baǵyttaǵy óndiris orny elimizdi qamtyp qana qoımaı, shetel naryǵyna shyǵýdy da kózdep otyr. Joba quny - 500 mln tenge. 55 jańa jumys orny qurylady. О́ndiris ornyn 2020-2021 jyldary iske asyrý mejelengen. Búginde qurylys montaj jumystary 100 % tolyq aıaqtaldy. Qazir qurylǵylardy ornatý jumystary atqarylýda.
Qala ákimi kásiporynnyń qazirgi jaǵdaıymen jáne bolashaq josparlarymen tanysty.
«Shyǵarylatyn ónimderge suranys bar. О́zimizde óndirilgen farmasevtıka ónimderin keńinen qoldaý qajet», dedi Shymkent qalasynyń ákimi Murat Áıtenov.
Jańa kásiporyn medısınalyq buıymdar óndirisine osylaısha serpin bermek. Shahar basshysy bul baǵytta jergilikti kadrlardy daıarlaý jáne jumysqa tartýdyń mańyzyna da toqtalyp ótti.