Elimizdiń Bilim jáne ǵylym mınıstrligi Til saıasaty komıtetiniń tapsyrysymen «Abaı ınstıtýty» baǵdarlamasy aıasynda AQSh, Túrkııa, Reseı, Fransııa, Germanııa, Brıtanııa, Belgııa, Iran, Mońǵolııa, О́zbekstan, Majarstan memleketterinde turatyn qazaq dıasporasy ókilderine qazaq tilin úıretip júrgen oqytýshylarǵa ádistemelik kómek retinde «Qazaq tilin úıretý: otandyq jáne sheteldik tájirıbe» kýrsy uıymdastyryldy, dep jazady Egemen.kz.
«Otandastar» qorymen birlese otyryp qazan aıynda onlaın rejımde ótkizilgen is-sharanyń uzaqtyǵy - bir apta.
Kýrstyń basty maqsaty - shetelderdegi qazaq mádenı ortalyqtaryna ǵylymı-ádistemelik qoldaý kórsetý jáne Qazaqstan aýmaǵynan tys jerde turyp, qazaq tilin úırenip jáne úıretip júrgen qandastarymyzǵa qoldaý kórsetý.
Kýrsty qazaq tilin úıretip júrgen otandyq oqytýshylar men ádiskerler ózderiniń jyldar boıy qalyptasqan tájirıbeleri negizinde deńgeıler boıynsha (A1, A2, V1, V2, S1) júrgizdi.
«Til-Qazyna» ortalyǵynyń Ádisteme basqarmasynyń basshysy Aıgúl Ormanova is-sharaǵa qatysýshylarǵa sandyq tehnologııanyń kómegimen qazaq tilin ana tili jáne ekinshi shet tili retinde ońtaıly úıretý, oqytýdaǵy ádis-tásilderdi, ádistemelerdi, tehnologııalardy qazirgi kezeń talaptaryna baılanysty qoldaný joldaryn kórsetti. Qatysýshylar tildi qashyqtan tıimdi oqytýdyń ádis-tásilderimen tanysyp, ózara tájirıbe almasty. Sondaı-aq oqytýshylar qazaq tilin úıretýge arnalǵan úzdik oqý-ádistemelik quraldarmen tanysty.
Kýrsqa 250-ge jýyq tyńdaýshy qatysyp, sertıfıkatqa ıe boldy.