27 qazanda Rýdnyı qalasyndaǵy turǵyn úılerdiń birinde alty jasar qyz besinshi qabattan qulap ketti, dep habarlaıdy Egemen.kz.
Bul aqparatty Qostanaı oblysynyń Densaýlyq saqtaý basqarmasy rastady.
«Oqıǵa ornyna shaqyrý saǵat 15:19-da tústi. Alty jasar qyz besinshi qabattan qulap ketkeni habarlandy. Balanyń mıy shaıqaldy, ish, tómengi arqa jáne jambas jaraqattary bar. Zardap shekken bala Rýdnyı aýrýhanasyna jetkizildi. Qazir ony Qostanaı oblystyq balalar aýrýhanasynyń reanımasııasyna aýystyrý týraly másele sheshilýde», dep habarlady vedomstvodan.