Almaty halyqaralyq áýejaıynda avıasııalyq otynnyń tapshylyǵyna baılanysty sharalar qabyldandy, dep habarlaıdy Egemen.kz.
Áýejaıdyń málimetinshe, Almaty halyqaralyq áýejaıynda úzdiksiz jumysty qamtamasyz etý maqsatynda turaqty jolaýshylar reısteriniń janarmaı quıý kólemin shekteý jáne bir jolǵy charterlik reısterdiń janarmaı quıýyn toqtata turý týraly sheshim qabyldandy.
«Bul sharalar Qazaqstandaǵy avıasııalyq otynnyń tapshylyǵyna baılanysty qabyldandy», dep túsindirdi áýejaıdaǵylar.
Buǵan deıin Nur-Sultan áýejaıynda áýe tasymaldaýshylar otyn tapshylyǵyna baılanysty toqyraý aldynda turǵany habarlandy. Bul máselege qatysty Indýstrııa jáne ınfraqurylymdyq damý mınıstrligindegiler Pavlodar munaı-hımııa zaýytynda (PMHZ) jóndeý jumystarymen baılanysty avıakerosın tapshylyǵy bolǵanyn málimdedi.