Serbııa astanasy Belgrad qalasynda ótip jatqan álem chempıonaty qyza tústi. Búgin sharshy alańǵa tórt birdeı qazaq boksshysy kóteriledi, dep habarlaıdy Egemen.kz.
Aldymen rıngke 54 keli salmaq dárejesindegi saıypqyranymyz Mahmud Sabyrhan shyǵady. Ol Ońtústik Koreıa boksshysy In Gıý Kımmen qolǵap túıistiredi (kezdesý shamamen 18:30-da). Budan soń 92 keli salmaqtaǵy sańlaǵymyz Aıbek Oralbaı polshalyq Mateýsh Bereznıskııdiń shamasyn baıqap kórmek (jekpe-jek 20:15-ke josparlanǵan). Úshinshi bolyp rıngte 60 keli salmaqtaǵy Samatáli Tóltaev kóteriledi. Samatáliniń qarsylasy – taılandtyq Hýnatısý Pıdnýchý (shaıqas ýaqyty – 22:45).
Al kúnniń basty jekpe-jeginde 71 keli salmaqtaǵy Aslanbek Shymbergenov ózbekstandyq Shahram Gııasovty jeńýge tyrysyp kórmek (kezdesý ýaqyty – 00:15).
Aslanbek Shahramdy buryn jeńgen. Endi sol jeńisin qaıtalaýǵa kúsh salady. Bul shaıqastardyń barlyǵyn «Qazsport» telearnasy tikeleı efırden kórsetedi.