QR Bilim jáne ǵylym mınıstrligi Balalardyń quqyqtaryn qorǵaý komıteti Almatyda 11-qabattan sekirip ketken oqýshyǵa qatysty oqıǵaǵa túsinik berdi, dep habarlaıdy Egemen.kz.
«Almaty qalasyndaǵy Nazarbaev Zııatkerlik mektebinde qaıǵyly jaǵdaıda qaza tapqan 8-synyp oqýshysynyń ata-analary men jaqyndaryna qaıǵylaryna ortaqtasyp, kóńil aıtamyz. Qazirgi ýaqytta áleýmettik jelilerde oqýshynyń qaıtys bolýyna baılanysty qarama-qaıshy aqparat tarap jatyr. QR BǴM Balalardyń quqyqtaryn qorǵaý komıtetiniń ókilderi qaza tapqan oqýshynyń ata-anasymen baılanysta. Quqyq qorǵaý organdarynyń qyzmetkerleri tergeý is-sharalaryn júrgizýde. Tergeý múddesi úshin jaǵdaıdyń egjeı-tegjeıi jarııa etilmeıdi», delingen komıtet habarlamasynda.
Málim etilgendeı, tergeý nátıjeleri boıynsha qajetti sharalar qabyldanatyn bolady. Tergeý amaldarynan keıingi resmı qorytyndyny kútý qajet.
«Ata-analardy, muǵalimder men mektep basshylaryn balalarmen qarym-qatynasta asqan meıirimdilik tanytýǵa shaqyramyz. О́ıtkeni balalarymyzdyń ómiri men densaýlyǵy qoǵamnyń basty qundylyǵy bolyp tabylady», dedi QR BǴM Balalardyń quqyqtaryn qorǵaý komıtetinen.