QR Qorǵanys mınıstrligi Mańǵystaý oblysyndaǵy oqý-jattyǵý polıgonyn josparly tazalaý kezinde jaraqat alǵan 5 áskerı qyzmetshiniń densaýlyǵyna qatysty túsinik berdi, dep habarlaıdy Egemen.kz.
Vedomstvo málimetine súıensek, oqıǵa 27 qazanda bolǵan. Zardap shekken barlyq áskerı qyzmetshi avıasııamen elordadaǵy gospıtalge jetkizilgen.
«Mamandandyrylǵan medısınalyq kómek kórsetý maqsatynda Mańǵystaý oblysyndaǵy oqý-jattyǵý polıgonyn josparly tazalaý kezinde jaraqat alǵan 5 áskerı qyzmetshi áskerı-kóliktik avıasııa ushaǵymen Nur-Sultan qalasyndaǵy Bas áskerı-klınıkalyq gospıtaline jetkizildi. Áskerı qyzmetshilerdi hırýrgııa salasynyń mamandary tekserdi, olardyń jaǵdaıy bir qalypty, nasharlamaǵan. Dıagnostıkalyq jáne emdeý prosedýralarynyń barlyq kesheni júrgizilýde.
Qorǵanys mınıstrligi jalǵan aqparat taratpaýdy, tek resmı aqparat kózderine senýdi suraıdy», delingen vedomstvonyń baspasóz qyzmeti usynǵan málimette.