Dáýlet Bolatuly Turlyhanov Qazaqstan grek-rım, erkin jáne áıelder kúresi federasııasynyń vıse-prezıdent qyzmetinen ketti, dep habarlaıdy Egemen.kz Prosports.kz-ke silteme jasap.
«Grek-rım kúresin damytýǵa qosqan eleýli úlesińiz úshin Qazaqstan grek-rım, erkin jáne áıelder kúresi federasııasy atynan Sizge alǵys aıtamyn. Sizdiń kúsh-jigerińizdiń arqasynda elimizdiń barlyq óńirinde grek-rım kúresiniń zaly ashyldy, keıingi tórt jylda respýblıka boıynsha sportpen shuǵyldanýshylar sany artty. Siz kóptegen jas balýanǵa úlgisiz, jetken jetistikterińiz joqqa shyǵarylmaıdy, naǵyz qazaqtyń batyrysyz. Sizdiń halyqaralyq deńgeıdegi qoldaýlaryńyzben kúrestiń barlyq túrinen Qazaqstan quramalaryn álem chempıonattary men Olımpıada oıyndarynyń altyn júldelerine alyp baramyz dep oılaımyn», delingen federasııa prezıdenti Erlan Kojasbaıdyń hatynda.
Turlyhanovtan bólek buǵan deıin federasııanyń taǵy bir vıse-prezıdenti Gýzel Manıýrova da ornyn bosatqan bolatyn.