Serbııa astanasy Belgrad qalasynda ótip jatqan álem chempıonatynda qazaq boksshylary oıdaǵydaı nátıjelerge qol jetkizip jatyr, dep habarlaıdy Egemen.kz.
Búgin ulttyq qurama sapynan birinshi bolyp rıngke kóterilgen 48 kılo salmaqtaǵy Temirtas Júsipov serbııalyq Omer Ametovıchti 4:1 esebimen jeńip, shırek fınalǵa joldama aldy. Temirtas endi bir jekpe-jekte jeńiske jetse keminde qola júldeger atanady.
Temirtastyń jeńisti jolyn 75 kılo salmaqtaǵy Nurqanat Raıys sátimen jalǵastyrdy. 21 jasar bylǵary qolǵap sheberimiz moldovalyq Vlad Gavrılychtan aılasyn asyrdy.