Bokstan Serbııa astanasy Belgrad qalasynda ótip jatqan álem chempıonatynda úshinshi qazaq boksshysy jeńilistiń kermek dámin tatty, dep habarlaıdy Egemen.kz.
92 kılo salmaq dárejesinde synǵa túsken otandasymyz Aıbek Oralbaı 1\8 fınaldyq kezeńde О́zbekstan namysyn qorǵaǵan etnıkalyq qazaq Madııar Saıdrahımovke qarsy sharshy alańǵa kóterildi. Eki eldiń atynan dodaǵa qatysqan qazaq jigitteri arasyndaǵy jekpe-jek tartysty ári teń jaǵdaıda órbidi. Birinshi úsh mınýttyqta Aıbek Madııardy nokdaýnǵa jiberse, kelesi raýndta Madııar esesin qaıtardy. Úshinshi raýndta ózbekstandyq boksshy basymdyq tanytyp, shırek fınalǵa joldama aldy.
Aıbek Oralbaı – álem chempıonatymen qoshtasqan úshinshi qazaq boksshysy. Oǵan deıin asa aýyr salmaqtaǵy Nurlan Saparbaı men 86 kılo salmaqtaǵy Bek Nurmaǵanbet elge qaıtqan bolatyn.