Almaty oblysy Talǵar qalasy ákimin saılaýda Qaırat Isabaev jeńiske jetti, dep habarlaıdy Egemen.kz.
«Qaırat Isabaev 53,5% daýys jınap, Talǵar qalasy ákiminiń saılaýynda jeńiske jetti. Talǵar aýdandyq saılaý komıssııasynyń málimetinshe, saılaýǵa qatysý 58%-dy qurady», delingen habarlamada.
Talǵar qalasynyń ákimi laýazymyna úsh kandıdat daýysqa tústi: Abzal Saǵymbekuly saılaýshylardyń 35,3% daýysyn jınady, Ulan Qyzaıbekke saılaýshylardyń 7,7%-y daýys berdi, barlyǵyna qarsy – 1,6%.
Aýdandyq saılaý komıssııasynyń aqparaty boıynsha, Qaırat Kárimuly Isabaev 1968 jyly týǵan, bul laýazymǵa ózin ózi usynǵan, Qyzylqaırat aýylynyń otbasylyq dárigerlik ambýlatorııasynyń meńgerýshisi, Talǵar qalasynda turady.