E-Salyq Business mobıldi qosymshasyn 400 myń jeke kásipker qoldana alady. Bul týraly QR QM Memlekettik kirister komıteti tóraǵasynyń orynbasary Jaıdar Ińkárbaev aıtty, dep habarlaıdy Egemen.kz.
QR Qarjy mınıstrligi Memlekettik kirister komıteti E-Salyq Business jańa mobıldi qosymshasyn tanystyrdy.
«Qazirgi kezde mobıldi qosymsha Aqmola jáne Jambyl oblystarynda testileýden ótip jatyr. Osy oraıda 3,5 myńǵa tarta kásipker osy qosymshaǵa tirkelip, paıdalanyp jatyr. Aldaǵy jyldan bastap qosymsha tolyq rejımde iske qosylady. 400 myńǵa jýyq kásipker qosymshany paıdalanady», dedi Jaıdar Ińkárbaev Ortalyq kommýnıkasııalar qyzmetinde.
Belgili bolǵandaı, pılottyq testileýde jeke kásipker retinde tirkelgender jáne arnaıy salyq rejımin qoldanatyndar ǵana qatysa alady Komıtet málimetine qaraǵanda, «E-Salyq Business» jańa mobıldi qosymshasyn Play market-ten júkteýge bolady.
Sonymen qatar App store-de atalǵan qosymshany júkteý úshin berilgen ótinimge jaýap alý rásimderi júrip jatyr.