Búgin elimizde Halyq sanaǵy aıasynda naqtylaý sharalary bastaldy. Bul shara 8 qarashaǵa deıin jalǵasady, dep habarlaıdy Egemen.kz Ulttyq statıstıka bıýrosynyń baspasóz qyzmetine silteme jasap.
Halyqty tolyq esepke alýdy jáne 2021 jylǵy halyq sanaǵyn júrgizý kezinde derekter sapasynyń anyqtyǵyn tekserýdi qamtamasyz etý baqylaý is-sharalary júrgiziledi. Baqylaý fýnksııasy árbir turǵyn úıge ıntervıýer barǵanyna jáne sanaq paraqtarynyń barlyq turatyn respondentterge toltyrylǵanyna kóz jetkizýge múmkindik beredi.
Nusqaýshy-baqylaýshylar ıntervıýerlermen birge halyq sanaǵy aıaqtalǵannan keıin 7 kún ishinde árbir esep ýchaskesindegi turǵyn jaılardyń 10%-yn qamtı otyryp, respondentterge baqylap, aralap shyǵý júrgizedi. 1 qarashadaǵy jaǵdaı boıynsha elde 19 450 179 adam nemese 102,2% (1 tamyzdaǵy jaǵdaı boıynsha halyq sany 19 029 507-ni quraǵan) sanaqpen qamtyldy.
Eske sala ketsek, shara aıasynda elimizde turaqty turyp jatqandardan ózge 12 aıdan asa ýaqytqa shetelge issaparmen shyqqandar (sheteldegi dıplomatııalyq korpýs pen QR ókildiginiń qyzmetkerleri men olardyń otbasy músheleri), kelisimshart negizinde bir jyldan kem ýaqytqa basqa elge ketken otandastarymyz, ózge memlekette «Bolashaq» baǵdarlamasy aıasynda bilim alyp jatqan stýdentter, ýaqytsha shetelge shyqqan týrıster, ýaqytsha (12 aıdan az) elimizde júrgen sheteldikter, azamattyǵy joq adamdar men bosqyndar sanaqtan ótýde.
Halyq sanaǵyn ótkizý ádistemesine sáıkes, saýalnama aıaqtalǵan soń naqty jáne turǵylyqty halyq sany boıynsha aqparat alynatyn bolady. «Naqty halyq» degenimiz, sanaq ótkizý kezindegi belgili bir eldi mekendegi adamdardyń sanyn bildiredi. Atalǵan sanatqa turǵylyqty turǵyndarmen qatar, ýaqytsha kelgender men rezıdent emes tulǵalar jatqyzylady. Iаǵnı, munda eldi mekenge qonaqqa, demalýǵa, jumys babymen jáne t.b. maqsatta, sondaı-aq, elde ýaqytsha júrgen sheteldikter, azamattyǵy joq adamdar men bosqyndar qamtylady.
«Turǵylyqty halyq» degen sanatta eldi mekende turaqty turyp júrgendermen qatar, ýaqytsha basqa jaqqa shyǵyp ketken azamattar qamtylady. Olardyń qataryna basqa eldi mekenge nemese shetelge týystaryna, eńbek demalysyna, jumys babymen nemese basqa da sebeptermen ýaqytsha ketkender kiredi.
Sanaqtan onlaın ótý múmkindigi 8 qarashaǵa deıin qoljetimdi. Sanaq saýaldaryna arnaıy sanaq.gov.kz saıty, E-Gov portaly nemese Aitu mobıldi qosymshasy arqyly jaýap berýge bolady. Halyq sanaǵynyń negizgi kezeńi aıaqtaldy. Qarashanyń 8-ne deıin sanaq ótkizý ádistemesine sáıkes, naqtylaý sharalary qarastyrylǵan.